قبل مابدأ في الحلقة التانية .. واحد قالي : حب ايه اللي انت بتقولي عليه , يعنى البطالة وتأخر سن الجواز وتكاليفه اللي زادت عن الحد أساسها الحب , تيجى ازاي دي ؟
. ركزو معايا ف اللي هقالو ...
فلان اتخرج من كلية هندسة قسم كهرباء جاتله وظيفة ف مكان محترم بمرتب 600ج , طبعا مرتب زي ده ف مكان زى ده أكيد فرصة كويسة وخصوصا ف االظروف اللي العالم كله بيمر بيها , ييجي استاذ فلان يقول ايه ؟ , لا انا مهندس وتخصصي مطلوب وماقعدش أدرس خمس سنين علشان ف الاخر 500 ملطوش أخدهم كل شهر
, ويقعد من غير شغل لحد ماتجيله الوظيفة اللي على مزاجه اللي يقدر يجيب بيها العربية والشقة اللي على النيل والرصيد اللي بالاف ف البنك , وصدقونى ف منه كتير ,
بلاش كده مرة عملو لقاء مع رجل أعمال مصري صاحب مدينة ملاهى فبيسألوه : انت ليه بتستورد عمالة من بنجلاديش والهند وسايب الشباب هنا ؟ , شوفو بقى رده كان ايه ... انا جبت عمال أمن مرتب الواحد فيهم 400ج ده غير المكافأت والعلوات اللي بياخدوها ف المناسبات , وليهم وجبة مجانية ف اليوم , والملاهى دى برة القاهرة ففي أتوبيس بينقلهم من القاهرة لحد مكان شغلهم ,وكمان بيشتغلو وردية واحدة 6 ساعات , شهر ولا شهرين ويسيبو الشغل , ليه ؟ , يقعدو يدورو على شغل مريح بمرتب أحسن ( ده على أساس الشغل على قفى من يشيل ! )
أنا حكيتلكم الواقع والرد ليكم .... ده بالنسبة للبطالة , الي مرارته لسه ماتفقتش يكمل معايا
استاذ علان مصرى زيه زينا زي أغلبية الناس اتخرج من كلية الطب وحب انه يكمل نص دينه ( أصله كمل نصه الاولاني ! ) فراح يدور على عروسة , جواز صالونات يعنى من غير حب .. الكلام ده لصاحبنا .. المهم , عايزها ف جمال مارلين مونرو , ورقة فاتن حمامة , وتدين أ.عبلة الكحلاوي وشطارة أبلة نظيرة ف الطبخ , وعقلية لقمان الحكيم , ويسلام بقى انها تكون دكتورة علشان يتشرف بيها قدام اصحابه معارفه ! , تخيلو انه لاقها , ايوة .. لاقى واحدة بكل المواصفات دي (راح رحلة للمريخ ورجع بيها ! ) المهم , بعد الجواز اكتشف انها جميلة بس اما بتحط مكياج , قال: لا ماتنفعنيش دى مفروض (اذا نظر ايها اسرته ) فحصل الطلاق ! No comment
تيجى بقى انسة فلة يتقدملها عريس تقوله : انا عايزة شبكة تشبه شبكة نانسى عجرم بالظبط ( ولو هى هتتواضع يبقى زى شبكة بنت خالتها ) , وسيارة زى بتاعة تامر حسنى ف فيلم عمر وسلمى ( اللي هي مش عارفاه ان المنتج هو اللي بيجيب كل مستلزمات التصوير للفيلم) ,ولازم كل يوم بالليل يقعد يغنيلها عبد الحليم ( اللي مش عارفاه انه بيتبع المثل ابعد عن الشر وغنيله !) , واذا ماكنتش هى الي عايزة ده كله يبقى اهلها (ودى المصيبة ) وبعد الجواز تحصل العادي اللي دايما بيحصل وهو الطلااااااااااااااااااااق ... الرسول عليه الصلاة والسلام قال : أقلهن مؤنة _ يعنى مهرا __ أكثرهن بركة . صدق الرسول الكريم
معلش طولت عليكم , وكفاية كده النهاردة لان ضغط الدم زاد عندى ده اذا ماكنش جالي السكر